ആറ്റുകാൽ പൊങ്കാല! ശുചീകരണത്തൊഴിലാളികളെയും ജീവനക്കാരെയും ആദരിച്ചു

തിരുവനന്തപുരം: ആറ്റുകാൽ പൊങ്കാലയുടെ ഭാഗമായി പ്രവർത്തിച്ച ശുചീകരണ ത്തൊഴിലാളികളെയും ജീവനക്കാരെയും കോർപ്പറേഷൻ്റെ നേതൃത്വത്തിൽ ആദരിച്ചു. മേയർ വി.വി.രാജേഷ് പടങ്ങ് ഉദ്ഘാടനം ചെയ്‌തു. ആറ്റുകാൽ പൊങ്കാലദിവസം രാത്രി വൈകിയും നഗരം വൃത്തിയാക്കാൻ ശുചീകരണത്തൊഴിലാളികൾ നടത്തിയ പരിശ്രമം അഭിനന്ദനാർഹമാണ്. ഈ വർഷം പൊങ്കാല നടത്തിപ്പിൽ കോർപ്പറേഷന് ചെലവ് കുറയ്ക്കാനായെന്നും മേയർ പറഞ്ഞു.

കോർപ്പറേഷൻ യു.ഡി.എഫ്. കക്ഷിനേതാവ് കെ.എസ്.ശബരിനാഥൻ, എൽ.ഡി.എഫ്. കക്ഷിനേതാവ് എസ്.പി.ദീപക്, സ്ഥിരംസമിതി അധ്യക്ഷൻമാരായ ചെമ്പഴന്തി അനിൽ, പാറ്റൂർ രാധാകൃഷ്‌ണൻ, വാർഡ് കൗൺസിലർമാർ, ഹെൽത്ത് ഓഫീസർമാർ തുടങ്ങിയവർ പങ്കെടുത്തു.