റോഡിലേക്ക് വീണ മരം മുറിച്ചുനീക്കി നാട്ടുകാർ

കോഴിക്കോട് മെഡിക്കൽ കോളേജ് റഹ്‌മാനിയ സ്കൂളിന് മുൻപിൽ റോഡിലേക്ക് വീണ മരം നാട്ടുകാരുടെ സമയോചിതമായ ഇടപെടലിനെത്തുടർന്ന് ഉടൻ മുറിച്ചുമാറ്റി. ഉച്ചയ്ക്ക് ഒന്നരയോടെയുണ്ടായ സംഭവത്തിൽ നാട്ടുകാർ കൈകോർത്തതോടെ വലിയ ഗതാഗതക്കുരുക്ക് ഒഴിവാക്കാനായി. പ്ലസ് ടു പരീക്ഷയ്ക്ക് മകളെ കാരന്തൂർ സ്കൂളിലാക്കി മടങ്ങുകയായിരുന്ന ടി.കെ. ഷമീർ എന്ന വ്യക്തിയാണ് രക്ഷാപ്രവർത്തനത്തിന് തുടക്കമിട്ടത്.

റോഡ് തടസ്സപ്പെട്ടത് കണ്ട ഷമീർ ഉടൻ തന്നെ വീട്ടിലെത്തി മരം മുറിക്കാനുള്ള ഉപകരണങ്ങളുമായി തിരിച്ചെത്തുകയായിരുന്നു. തുടർന്ന് നാട്ടുകാരും ഒപ്പം ചേർന്നതോടെ വെറും 15 മിനിറ്റിനുള്ളിൽ മരം മുറിച്ചുനീക്കി പാത ഗതാഗതയോഗ്യമാക്കി. മരം വീണത് കേബിൾ ലൈനുകൾക്ക് മുകളിലായതിനാൽ സമീപത്തെ വൈദ്യുത പോസ്റ്റ് അപകടകരമായ രീതിയിൽ ചരിഞ്ഞിരുന്നു. ഈ പ്രശ്നം പിന്നീട് സ്ഥലത്തെത്തിയ അഗ്നിരക്ഷാസേന പരിഹരിച്ചു. തടസ്സങ്ങൾ നീക്കി ഗതാഗതം പുനഃസ്ഥാപിക്കാൻ മുന്നിട്ടിറങ്ങിയ ഷമീറിനെയും മറ്റ് നാട്ടുകാരെയും യാത്രക്കാർ അഭിനന്ദിച്ചു.