ഹരിതകർമസേനാംഗങ്ങൾക്ക് ഏകീകൃത യൂണിഫോം

ഷൊർണൂർ : ഹരിതകർമസേനാംഗങ്ങൾക്ക് ആത്മാഭിമാനത്തോടെ ജോലി ചെയ്യാനുള്ള സാഹചര്യമുണ്ടാക്കിയെന്നും ശുചിത്വം നിലനിർത്തുന്നത് അവരുടെ അഹോരാത്രമുള്ള പ്രവർത്തനം കാരണമാണെന്നും മന്ത്രി എം.ബി. രാജേഷ്, ഹരിതകർമസേനാംഗങ്ങൾക്കുള്ള ഏകീകൃത യൂണിഫോം വിതരണത്തിന്റെ സംസ്ഥാനതല ഉദ്ഘാടനം നിർവഹിക്കുകയായിരുന്നു അദ്ദേഹം.

സംസ്ഥാനത്തെ ഹരിതകർമസേനയ്ക്ക് ഏകീകൃത വസ്ത്രം വേണമെന്ന അംഗങ്ങളുടെ ആവശ്യം പരിഗണിച്ചതോടെയാണ് പച്ച ചുരിദാർ അനുവദിച്ചത്. ഓവർകോട്ടും തൊപ്പിയും അടങ്ങുന്നതാണ് പുതിയ യൂണിഫോം. എല്ലാം പച്ചക്കളറാണ്. വസ്ത്രത്തിന് മുകളിൽ കുടുംബശ്രീയുടെ പേരെഴുതിയിട്ടുണ്ട്.

ചടങ്ങിൽ പി. മമ്മിക്കുട്ടി എം.എൽ.എ. അധ്യക്ഷനായി. ഷൊർണൂർ നഗരസഭാധ്യക്ഷ അഡ്വ. പി. നിർമല, ഉപാധ്യക്ഷൻ വി.കെ. അനുരാജ്, കില ഡയറക്‌ടർ എ. നിസാമുദ്ദീൻ, സി.കെ. സൗമ്യ, വി.സി. സിന്ധു സി. സന്ധ്യ, സി. രവീന്ദ്രൻ, അഡ്വ. സിനി മനോജ്, ഇ.എ. ഗീത തുടങ്ങിയവർ സംസാരിച്ചു.