തീവണ്ടിയിൽനിന്ന് 201 മൊബൈൽഫോണുകൾ പിടിച്ചു

കണ്ണൂർ : തീവണ്ടിയിൽ കടത്തുകയായിരുന്ന 201 പഴയ മൊബൈൽഫോണുകൾ ആർ.പി.എഫ്. സംഘം പിടിച്ചു. ജാംനഗർ-തിരുനെൽവേലി എക്‌സ്പ്രസിൽ മംഗളൂരു ജങ്ഷനിൽനിന്നാണ് പിടിച്ചത്. കൊങ്കൺ റെയിൽവേയിൽനിന്നുൾപ്പെടെ മോഷ്‌ടിച്ച മൊബൈലുകളാണ് ഇവയെന്ന് കരുതുന്നു. വിൽപ്പനക്ക് കൊണ്ടുപോകുന്നതിനിടെയാണ് പിടിച്ചത്. 5000 മുതൽ 10,000 രൂപവരെ വിലയുള്ള ഫോണുകളുണ്ട്. ആർ.പി.എഫ്. ഇൻസ്പെക്ട‌ർ മനോജ് കുമാർ ഒതയോത്ത്, ഉദ്യാഗസ്ഥരായ രാജീവ്, കെ. ശശി. പി. സുജീഷ് കുമാർ, എം. രാഘവൻ, പി. രാമകൃഷ്ണൻ, കെ. സുനിൽ എന്നിവരടങ്ങുന്ന സംഘമാണ് പിടിച്ചത്.