നിയമസഭാ തിരഞ്ഞെടുപ്പ്: സി.ആർ.പി.എഫ്. ആദ്യസംഘം തിരുപ്പൂരിലെത്തി

തിരുപ്പൂർ : നിയമസഭാ തിരഞ്ഞെടുപ്പ് അടുത്തിരിക്കെ, സുരക്ഷാ ജോലികൾക്കായുള്ള കേന്ദ്ര അർധസൈനിക സേനകളുടെ ആദ്യ സംഘം തിരുപ്പൂരിലെത്തി. രണ്ടു ബറ്റാലിയനുകളിലായി 82 സി.ആർ.പി.എഫ്. അംഗങ്ങളാണ് ഡൽഹിയിൽനിന്ന് എത്തിയിരിക്കുന്നത്. ഇവരെ തിരുപ്പൂർ ഡെപ്യൂട്ടി പോലീസ് കമ്മിഷണർ ദീപാ സത്യൻ റെയിൽവേ സ്റ്റേഷനിൽ സ്വീകരിച്ചു. 'സ്ട്രോങ് റൂമുകളിൽ' സൂക്ഷിച്ചിരിക്കുന്ന വോട്ടിങ് മെഷീനുകൾക്ക് സംരക്ഷണം നൽകുന്നതിനും ജില്ലയിലെ സെൻസിറ്റീവ് പോളിങ് സ്റ്റേഷനുകൾക്ക് സുരക്ഷ നൽകുന്നതിനുമായിരിക്കും ഇവരെ പ്രധാനമായും ഉപയോഗിക്കുകയെന്ന് പോലീസ് വൃത്തങ്ങൾ പറഞ്ഞു.