താമരശ്ശേരിയിൽ അന്താരാഷ്ട്ര വനിതാദിനാചരണം സംഘടിപ്പിച്ചു

താമരശ്ശേരി: കേരള സ്റ്റേറ്റ് സർവീസ് പെൻഷനേഴ്‌സ് യൂണിയൻ (കെ.എസ്.എസ്.പി.യു) കൊടുവള്ളി ബ്ലോക്ക് വനിതാവേദിയുടെ ആഭിമുഖ്യത്തിൽ അന്താരാഷ്ട്ര വനിതാദിനം വിപുലമായ പരിപാടികളോടെ ആഘോഷിച്ചു. താമരശ്ശേരി ഗ്രാമപ്പഞ്ചായത്ത് പ്രസിഡന്റ് റസീന സിയാലി പരിപാടി ഉദ്ഘാടനം ചെയ്തു. വനിതാവേദി ബ്ലോക്ക് കമ്മിറ്റി ചെയർപേഴ്‌സൺ ടി.കെ. വത്സലകുമാരി ചടങ്ങിൽ അധ്യക്ഷത വഹിച്ചു.

​ദിനാചരണത്തിന്റെ ഭാഗമായി വനിതാശാക്തീകരണ ചർച്ചാക്ലാസുകളും വിവിധ കലാ-സാംസ്കാരിക പരിപാടികളും നടന്നു. ഷബ്‌ന മുംതാസ് മുഖ്യപ്രഭാഷണം നടത്തി. കൊടുവള്ളി ബ്ലോക്കിലെ വിവിധ യൂണിറ്റുകളിൽ നിന്നുള്ള നിരവധി പ്രതിനിധികൾ ഈ സംഗമത്തിൽ പങ്കെടുത്തു.

​കെ.എസ്.എസ്.പി.യു. ജില്ലാ പ്രസിഡന്റ് കെ.വി. ജോസഫ്, ബ്ലോക്ക് കമ്മിറ്റി പ്രസിഡന്റ് കെ.കെ. അബ്ദുറഹ്മാൻകുട്ടി, ജില്ലാകമ്മിറ്റി അംഗം വി.പി. ഇന്ദിര, ബ്ലോക്ക് കമ്മിറ്റി വൈസ് പ്രസിഡന്റ് കെ.ജെ. മോളി, വനിതാവേദി ബ്ലോക്ക് കമ്മിറ്റി വൈസ് ചെയർപേഴ്‌സൺ ബീന മാത്യു, കൺവീനർ പി. സൈനബ, ജോയിന്റ് കൺവീനർ റൂബി തോമസ് എന്നിവർ ചടങ്ങിൽ സംസാരിച്ചു.