പേവിഷ പ്രതിരോധ കുത്തിവെപ്പ്

കോറോം : തൊണ്ടർനാട് ഗ്രാമപ്പഞ്ചായത്ത് സമഗ്ര പേവിഷ നിർമാർജന കുത്തിവെപ്പ് നടത്തി. പഞ്ചായത്ത് പരിധിയിലെ മുന്നൂറോളം വളർത്തുനായകൾക്കും എഴുപതോളം തെരുവുനായകൾക്കുമാണ് പ്രതിരോധകുത്തിവെപ്പ് നൽകിയത്. മൂന്നുദിവസങ്ങളിലായിട്ടായിരുന്നു കുത്തിവെപ്പ്.

ഗ്രാമപ്പഞ്ചായത്ത് പ്രസിഡൻ്റ് എസ്.എം. പ്രമോദ് കുത്തിവെപ്പ് ക്യാമ്പ് ഉദ്ഘാടനംചെയ്‌തു. വെറ്ററിനറി സർജൻ ഡോ. കെ. അരുൺ, ലൈവ് സ്റ്റോക്ക് ഇൻസ്പെക്ട‌ർമാരായ അലി അൻഷദ് ഖാൻ, പി.വി. അബ്‌ദുൾ അസീസ്, സി.ജി. മനു എൻ.എം. ആഷിഖ് തുടങ്ങിയവർ നേതൃത്വം നൽകി.