തൊഴിലാളികൾ കൈകോർത്തു; റോഡ് ഗതാഗതയോഗ്യമായി

കാഞ്ഞങ്ങാട്: തകർന്ന റോഡിലൂടെയുള്ള യാത്ര സഹിച്ചുമടുത്തപ്പോൾ അവർ എല്ലാം മറന്ന് ഒരേമനസ്സോടെ രംഗത്തിറങ്ങി. അവിടെ അവർക്ക് രാഷ്ട്രീയമോ കൊടികളുടെ നിറമോ ഒന്നും തടസ്സമായില്ല. അത്തിക്കോത്തെ ജി.കെ. ഗോഡൗൺ തൊഴിലാളികളാണ് വികസനത്തിനായി ഒരുമിച്ചത്.

അത്തിക്കോത്ത്-പൂടംകല്ലടുക്കം റോഡിലെ ശോച്യാവസ്ഥ പരിഹരിക്കാൻ സി.ഐ.ടി.യു., ബി.എം.എസ്. പ്രവർത്തകർ ഒരുമിച്ച് രംഗത്തിറങ്ങുകയായിരുന്നു. ജോലിയുടെ ഇടവേളകളിലാണ് തൊഴിലാളികൾ ഊഴമിട്ടെത്തി ശ്രമദാനം നടത്തിയത്.