മുക്കാളി, നാദാപുരം റോഡ് റെയിൽവേ സ്റ്റേഷനുകളുടെ വികസനം: ബിജെപി സംഘം സന്ദർശനം നടത്തി; കേന്ദ്രമന്ത്രിക്ക് നിവേദനം നൽകി

ചോമ്പാല: മുക്കാളി, നാദാപുരം റോഡ് റെയിൽവേ സ്റ്റേഷനുകളിൽ കൂടുതൽ ട്രെയിൻ സ്റ്റോപ്പുകൾ അനുവദിക്കണമെന്നും അടിസ്ഥാന സൗകര്യങ്ങൾ വികസിപ്പിക്കണമെന്നും ആവശ്യപ്പെട്ട് ബിജെപി നേതൃത്വം ഇടപെടൽ ശക്തമാക്കുന്നു. ബിജെപി കോഴിക്കോട് നോർത്ത് ജില്ലാ പ്രസിഡന്റ് സി.ആർ. പ്രഫുൽ കൃഷ്ണന്റെ നേതൃത്വത്തിലുള്ള സംഘം സ്റ്റേഷനുകൾ സന്ദർശിച്ച് യാത്രക്കാരും നാട്ടുകാരും നേരിടുന്ന ബുദ്ധിമുട്ടുകൾ നേരിട്ട് വിലയിരുത്തി.

പ്രധാന ആവശ്യങ്ങൾ:

കൂടുതൽ ട്രെയിനുകൾക്ക് സ്റ്റോപ്പ് അനുവദിക്കുക.

സ്റ്റേഷനുകളിലെ അടിസ്ഥാന സൗകര്യങ്ങൾ (പ്ലാറ്റ്‌ഫോം, വിശ്രമമുറി തുടങ്ങിയവ) മെച്ചപ്പെടുത്തുക.

യാത്രക്കാരുടെ സുരക്ഷ ഉറപ്പാക്കുന്നതിനുള്ള നടപടികൾ സ്വീകരിക്കുക.

ജനങ്ങളുടെ ദീർഘകാലമായുള്ള ഈ ആവശ്യങ്ങൾ ഉന്നയിച്ച് കേന്ദ്ര റെയിൽവേ മന്ത്രി അശ്വിനി വൈഷ്ണവ്, ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ എന്നിവർക്ക് നിവേദനം സമർപ്പിച്ചതായി നേതാക്കൾ അറിയിച്ചു.

ബിജെപി ജില്ലാ ജനറൽ സെക്രട്ടറി അഡ്വ. കെ. ദീലിപ്, ജില്ലാ സെക്രട്ടറിമാരായ രഗിലേഷ് അഴിയൂർ, പ്രീത പി.കെ, സംസ്ഥാന കൗൺസിൽ അംഗം കെ.പി. ജയകുമാർ, മണ്ഡലം പ്രസിഡന്റ് അഭിജിത്ത് കെ.പി എന്നിവർ സംഘത്തിലുണ്ടായിരുന്നു.

കൂടാതെ അനിൽകുമാർ വി.പി, അജിത്ത് കുമാർ തയ്യിൽ, സനൽ വി.പി, ശശിധരൻ തോട്ടത്തിൽ, ജനപ്രതിനിധികളായ ശ്രീകല വി.എൻ, മഹിജ തോട്ടത്തിൽ, യുവമോർച്ച മണ്ഡലം പ്രസിഡന്റ് അക്ഷയ് കൃഷ്ണ തുടങ്ങിയവരും ഒഞ്ചിയം, അഴിയൂർ പഞ്ചായത്തുകളിലെ പാർട്ടി ഭാരവാഹികളും സന്ദർശനത്തിൽ പങ്കെടുത്തു.