മുക്കാളിയിൽ ട്രെയിൻ സ്റ്റോപ്പുകൾ പുനസ്ഥാപിക്കണം: ബി.ജെ.പി നേതൃത്വം രാജീവ് ചന്ദ്രശേഖറിന് നിവേദനം നൽകി

മുക്കാളി: ഒരു നൂറ്റാണ്ടിലധികമായി ആയിരക്കണക്കിന് യാത്രക്കാരുടെ ആശ്രയമായ മുക്കാളി റെയിൽവേ സ്റ്റേഷനിൽ കോവിഡ് കാലത്ത് നിർത്തലാക്കിയ ട്രെയിൻ സ്റ്റോപ്പുകൾ പുനസ്ഥാപിക്കണമെന്ന ആവശ്യവുമായി ബി.ജെ.പി നേതൃത്വം രംഗത്ത്. ആറോളം ട്രെയിനുകളുടെ സ്റ്റോപ്പ് ഇല്ലാതായത് പ്രദേശവാസികളെയും സ്ഥിരം യാത്രക്കാരെയും വലിയ ദുരിതത്തിലാഴ്ത്തിയിരിക്കുകയാണ്.

നിലവിൽ ഹാൾട്ട് സ്റ്റേഷനുകളിൽ എക്സ്പ്രസ് വണ്ടികൾക്ക് സ്റ്റോപ്പ് അനുവദിക്കുന്നതിൽ റെയിൽവേ വിമുഖത കാട്ടുന്ന പശ്ചാത്തലത്തിലാണ് ബി.ജെ.പി സത്വരമായ ഇടപെടലുമായി മുന്നോട്ട് വന്നത്. വിഷയത്തിന്റെ ഗൗരവം കണക്കിലെടുത്ത്, ബി.ജെ.പി സംസ്ഥാന അധ്യക്ഷൻ ശ്രീ. രാജീവ് ചന്ദ്രശേഖറിന് നേരിട്ട് നിവേദനം സമർപ്പിച്ചു. മുൻപ് നടന്ന സമരങ്ങളെയും നിവേദനങ്ങളെയും ദക്ഷിണ റെയിൽവേ ഗൗരവമായി കാണാതിരുന്ന സാഹചര്യത്തിലാണ് ഈ നീക്കം.

ശ്രീ. കെ.പി. ജയകുമാറിന്റെ നേതൃത്വത്തിൽ നടന്ന കൂടിക്കാഴ്ചയിൽ, ബി.ജെ.പി നോർത്ത് ജില്ലാ അധ്യക്ഷൻ ശ്രീ. സി.ആർ പ്രഫുൽ കൃഷ്ണൻ, അഡ്വ. ദിലീപ്, ശ്രീ. സി.പി. വിപിൻ ചന്ദ്രൻ, ശ്രീ. എം.കെ രഖിലേഷ് എന്നിവരും പങ്കെടുത്തു. യാത്രക്കാരുടെ ബുദ്ധിമുട്ടുകൾ വിശദമായി കേട്ട സംസ്ഥാന അധ്യക്ഷൻ, വിഷയത്തിൽ അടിയന്തരമായ ഇടപെടലുകൾ നടത്തുമെന്ന് ഉറപ്പുനൽകി.

റെയിൽവേ മന്ത്രാലയത്തിന്റെ ശ്രദ്ധയിൽപ്പെടുത്തി മുക്കാളിയിലെ യാത്രാക്ലേശത്തിന് ശാശ്വത പരിഹാരം