കോഴിക്കോട് ജാഫർഖാൻ കോളനി റോഡിൽ പാർക്ക് ചെയ്തിരുന്ന കാർ കത്തിനശിച്ചു

കോഴിക്കോട്: ജാഫർഖാൻ കോളനി റോഡിൽ പാർക്ക് ചെയ്തിരുന്ന കാർ പൂർണമായും കത്തിനശിച്ചു. വെള്ളിയാഴ്ച വൈകുന്നേരം ഏഴ് മണിയോടെ സമസ്ത സെന്ററിന് സമീപമായിരുന്നു സംഭവം. മലപ്പുറം സ്വദേശികൾ വാടകയ്‌ക്കെടുത്ത കാറാണ് അപകടത്തിൽപ്പെട്ടത്. കാറിന്റെ മുൻഭാഗത്തുനിന്ന് തീ പടരുന്നത് ശ്രദ്ധയിൽപ്പെട്ട ഉടൻ തന്നെ അഗ്നിരക്ഷാസേനയെ വിവരമറിയിക്കുകയായിരുന്നു.

​ബീച്ച് അഗ്നിരക്ഷാ നിലയത്തിലെ അസിസ്റ്റന്റ് സ്റ്റേഷൻ ഓഫീസർ കലാനാഥന്റെ നേതൃത്വത്തിലുള്ള സംഘമെത്തിയാണ് തീ നിയന്ത്രണവിധേയമാക്കിയത്. കാർ പാർക്ക് ചെയ്തിരുന്ന സ്ഥലത്തിന് സമീപം മറ്റ് വാഹനങ്ങൾ ഉണ്ടായിരുന്നെങ്കിലും അഗ്നിരക്ഷാസേനയുടെ സമയോചിതമായ ഇടപെടൽ മൂലം വലിയൊരു അപകടം ഒഴിവായി.