ശാസ്ത്രസാഹിത്യപരിഷത്ത് സംസ്ഥാന സമ്മേളനം: വിളംബരജാഥ

അടിമാലി: ശാസ്ത്ര സാഹിത്യ പരിഷത്ത് സംസ്ഥാന സമ്മേളനത്തിന് മുന്നോടിയായി അടിമാലി ടൗണിൽ വിളംബരജാഥ നടത്തി. സമ്മേളനത്തിന്റെ സന്ദേശം ജനങ്ങളിലെത്തിക്കാൻ ജില്ലയിൽ വിവിധ യൂണിറ്റുകളിലും വിളംബര ജാഥ നടത്തി. അടിമാലിയിൽ നടന്ന ജാഥ സർക്കിൾ സഹകരണ യൂണിയൻ ചെയർമാൻ ടി.കെ. ഷാജി ഉദ്ഘാടനം ചെയ്തു.

സംസ്ഥാന നിർവാഹകസമിതി അംഗം വി.വി. ഷാജി, ജില്ലാ സെക്രട്ടറി കെ.എൻ. രാധാകൃഷ്‌ണൻ, ട്രഷറർ പി.കെ. സുധാകരൻ, സ്വാഗതസംഘം ഭാരവാഹികളായ ടി.എം. ഗോപാലകൃഷ്ണൻ, സി.ഡി. അഗസ്റ്റിൻ, എം.എസ്. സുധാകരൻ, കെ.വി. ജോയി എന്നിവർ നേതൃത്വം നൽകി. 28, മാർച്ച് ഒന്ന് തീയതികളിലാണ് സംസ്ഥാന സമ്മേളനം അടിമാലിയിൽ നടക്കുന്നത്.