വർക്കലയിലെ ജനപ്രതിനിധികളെ ശിവഗിരി മഠം അനുമോദിച്ചു

വർക്കല : നഗരസഭയിലെയും വർക്കല മേഖലയിലെ ത്രിതല പഞ്ചായത്തുകളിലെയും ജനപ്രതിനിധികളെ ശിവഗിരി മഠം അനുമോദിച്ചു. ജാതി, മത, രാഷ്ട്രീയ ചിന്തകൾക്ക് അതീതമായി ജനസേവനം നിറവേറ്റുകയെന്നതാകണം പൊതുപ്രവർത്തകരുടെ കടമയെന്ന് അധ്യക്ഷനായ ശ്രീനാരായണ ധർമസംഘം ട്രസ്റ്റ് പ്രസിഡന്റ് സ്വാമി സച്ചിദാനന്ദ പറഞ്ഞു.

ധർമ്മസംഘം ട്രസ്റ്റ് ജനറൽ സെക്രട്ടറി സ്വാമി ശുഭാംഗാനന്ദ, ട്രഷറർ സ്വാമി ശാരദാനന്ദ, ജില്ലാപ്പഞ്ചായത്ത് പ്രസിഡന്റ് വി.പ്രിയദർശിനി, വർക്കല നഗരസഭാ ചെയർപേഴ്സ‌ൺ ഗീതാ ഹേമചന്ദ്രൻ, ബ്ലോക്ക് പഞ്ചായത്ത് പ്രസിഡന്റ് സന്തോഷ് കുമാർ, ഗ്രാമപ്പഞ്ചായത്ത് പ്രസിഡൻറുമാരായ റിതു മോഹൻ, രാരീഷ്, ശ്രീധരകുമാർ, സുജി തുടങ്ങിയവർ സംസാരിച്ചു. ഷാൾ അണിയിച്ചും പുസ്‌തകങ്ങൾ നൽകിയുമാണ് ആദരിച്ചത്.