ചുടല-കുപ്പം-തളിപ്പറമ്പ് ദേശീയപാതയിൽ ഗതാഗതക്കുരുക്ക് രൂക്ഷം

തളിപ്പറമ്പ് : ദേശീയപാതയിൽ ചുടല കുപ്പം-തളിപ്പറമ്പ് വഴിയിൽ രൂക്ഷമായ ഗതാഗതക്കുരുക്ക്. ദിവസങ്ങളായുള്ള സ്ഥിതിയാണിത്. ചുടല, കപ്പണത്തട്ട് ഭാഗത്ത് റോഡ് നിർമാണപ്രവൃത്തി നടക്കുന്നുണ്ട്. ഭാരവാഹനങ്ങൾക്ക് ഇതുവഴി എളുപ്പത്തിൽ കടന്നുപോകാനാകുന്നില്ല. റോഡിലെ കുന്നുകളും വീതികുറവും തന്നെയാണ് പ്രശ്നം.

വ്യാഴാഴ്ച‌ രാവിലെ ഭാരവാഹനം വഴിയിൽ കുടുങ്ങിയതോടെ മണിക്കൂറുകളോളം ഗതാഗതം തടസ്സപ്പെട്ടു. ബസ് ഉൾപ്പെടെ വാഹനങ്ങൾ പല വഴികളിലൂടെയാണ് ഓടിയത്. വിദ്യാലയങ്ങളിലും ജോലിസ്ഥലങ്ങളിലുമെത്തേണ്ടവർ മണിക്കൂറോളം വൈകി. ഈ ഭാഗത്ത് ഗതാഗതതടസ്സം പതിവാണെന്ന് നാട്ടുകാർ പറഞ്ഞു. ഒരുകിലോമീറ്ററിലേറെ നീളുന്ന വാഹനനിരയാണുണ്ടാകുന്നത്. സർവീസ് റോഡുകൾ അശാസ്ത്രീയമായാണ് നിർമിക്കുന്നതെന്നും പരാതിയുണ്ട്.