ആയുഷ് ഹെൽത്തി കേരള സന്ദേശ പ്രചാരണയാത്ര തുടങ്ങി

ഉദുമ: ഹോമിയോപ്പതി വകുപ്പും നാഷണൽ ആയുഷ് മിഷൻ കേരളവും ചേർന്ന് ഉദുമ നിയോജക മണ്ഡലത്തിൽ നടത്തുന്ന ആയുഷ് ഹെൽത്തി കേരള സന്ദേശ പ്രചാരണയാത്ര പാലക്കുന്നിൽ ആരംഭിച്ചു. ആരോഗ്യകരമായ ജീവിതശൈലികളെക്കുറിച്ച് അറിവ് പകരുന്നതിനാണ് യാത്ര നടത്തുന്നത്.

ഉദുമ പഞ്ചായത്ത് പ്രസിഡൻ്റ് പി.വി. രാജേന്ദ്രൻ ഉദ്ഘാടനം ചെയ്തു. പഞ്ചായത്ത് അംഗം സി.കെ. വേണു അധ്യക്ഷനായി. മംഗള, കെ.വി. അനീസ്, കെ. രാജകല, സൗറ ഉബൈദ്, അമ്മിണി, മെഡിക്കൽ ഓഫീസർമാരായ ഡോ. സൈറ ജോൺ, ഡോ. കെ.വി. അശ്വനി, ഡോ. ശ്രീനീഷ്, ഡോ. ശ്രുതി, ഡോ. അനുശ്രീ എന്നിവർ സംസാരിച്ചു.

ഡോ. പി. രതീഷ് ക്ലാസ് എടുത്തു.