ജസ്റ്റിസ് ആർ.എൻ.പ്രസാദ് കമ്മിഷൻ റിപ്പോർട്ട് നടപ്പാക്കണം -കെ.ഷൈബു

കാസർകോട്: പരമ്പരാഗത തൊഴിൽ ചെയ്യുന്ന സമുദായങ്ങളെ ക്രീമിലെയറിൽനിന്ന് ഒഴിവാക്കണമെന്ന ജസ്റ്റിസ് ആർ.എൻ.പ്രസാദ് കമ്മിഷൻ റിപ്പോർട്ട് നടപ്പാക്കാൻ സർക്കാർ തയ്യാറാകണമെന്ന് ഒ.ബി.സി. മോർച്ച സംസ്ഥാന ജനറൽ സെക്രട്ടറി കെ. ഷൈബു ആവശ്യപ്പെട്ടു. ഒ.ബി.സി. മോർച്ച ജില്ലാ കമ്മിറ്റി പിന്നാക്കവിഭാഗ വികസന കോർപ്പറേഷൻ ഓഫിസിനു മുന്നിൽ സംഘടിപ്പിച്ച ധർണയിൽ മുഖ്യപ്രഭാഷണം നടത്തുകയായിരുന്നു അദ്ദേഹം.

ബി.ജെ.പി. ജില്ലാ വൈസ് പ്രസിഡൻ്റ് മുരളീധര യാദവ് ഉദ്ഘാടനം ചെയ്‌തു. ജില്ലാ പ്രസിഡന്റ് കെ.പി.വത്സരാജ് അധ്യക്ഷനായി. സംസ്ഥാന സെക്രട്ടറി വിജയൻ വറ്റിപ്പുറം, എൻ.ബാബുരാജ്, പി.രമേശ്, ഗുരുപ്രസാദ് പ്രഭു, സുനിൽ അനന്തപുരം, സുകുമാര കുദ്രെപാടി, ദയാനന്ദ കുമ്പള എന്നിവർ സംസാരിച്ചു.