സ്റ്റേഷനിലെത്തുന്നവർക്ക് നീതി ഉറപ്പാക്കാൻ പോലീസ് ഉദ്യോഗസ്ഥർ പ്രതിജ്ഞാബദ്ധരാണ് -ജില്ലാ പോലീസ് മേധാവി

കമ്പളക്കാട് : സ്റ്റേഷനിലെത്തുന്നവരെ വിശദമായി കേൾക്കാനും അവർക്ക് നീതി ഉറപ്പാക്കുവാനും ഓരോ പോലീസ് ഉദ്യോഗസ്ഥരും പ്രതിജ്ഞാബദ്ധമാണെന്ന് ജില്ലാ പോലീസ് മേധാവി അരുൺ കെ. പവിത്രൻ. കേരള പോലീസ് ഓഫീസേഴ്സ് അസോസിയേഷൻ 36-ാമത് ജില്ലാ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.

ജില്ലാ പ്രസിഡന്റ് എം.എ. സന്തോഷ് പതാക ഉയർത്തി. സംസ്ഥാന ട്രഷറർ പ്രേംജി കെ. നായർ, ജില്ലാ സെക്രട്ടറി പി.സി. സജീവ്, ജില്ലാ ട്രഷറർ എൻ. ബഷീർ, കേരള പോലീസ് സീനിയർ ഓഫീസേഴ്‌സ് അസോസിയേഷൻ ജില്ലാ പ്രസിഡന്റ് എം.ഡി. സുനിൽ, ജില്ലാ സെക്രട്ടറി കെ.കെ. അബ്‌ദുൾ ഷെരീഫ്, കേരള പോലീസ് ഓഫീസേഴ്സ‌് അസോസിയേഷൻ സംസ്ഥാന ജോയിൻറ്" സെക്രട്ടറി ജി.എസ്. ശ്രീജിഷ്, കെ.പി.എ. ജില്ലാ സെക്രട്ടറി ഇർഷാദ് മുബാറക്, കെ.പി.ഒ.എ. ജില്ലാ വൈസ് പ്രസിഡൻ്റ് പി.ജി. സതീഷ് കുമാർ, ജില്ലാ ജോയിൻറ് സെക്രട്ടറി എ.ആർ. ഷീജ തുടങ്ങിയവർ സംസാരിച്ചു.