മീഞ്ചന്ത ഗവ. ആർട്‌സ് കോളേജിൽ ലിറ്ററേച്ചർ ഫെസ്റ്റിവൽ

കോഴിക്കോട്: മൂന്നുനാൾ നീളുന്ന മീഞ്ചന്ത ഗവ. ആർട്‌സ് കോളേജ് ലിറ്ററേച്ചർ ഫെസ്റ്റിവൽ (എ.സി.എൽ.എഫ്.) രണ്ടാംപതിപ്പിന് വെള്ളിയാഴ്‌ച തുടക്കമായി. കോളേജ് അങ്കണത്തിൽ മന്ത്രി പി.എ. മുഹമ്മദ് റിയാസ് ഉദ്ഘാടനംചെയ്തു‌. സഹിഷ്ണുത, സാമൂഹികനീതി ഉൾക്കൊള്ളൽ എന്നിവയാണ് പരസ്‌പരബന്ധിതലോകത്ത് മുന്നേറാനുള്ള അടിസ്ഥാനമെന്ന് മന്ത്രി അഭിപ്രായപ്പെട്ടു. അഹമ്മദ് ദേവർകോവിൽ എം.എൽ.എ. അധ്യക്ഷത വഹിച്ചു. മേയർ ഒ. സദാശിവൻ മുഖ്യാതിഥിയായിരുന്നു. എ.സി.എൽ.എഫ്. ഡയറക്‌ടർ കെ.പി. രാമനുണ്ണി ആമുഖപ്രഭാഷണം നടത്തി. കോളേജ് പ്രിൻസിപ്പൽ ഡോ. പി. പ്രിയ, എ.സി.എൽ.എഫ്. കോഡിനേറ്റർ കെ. അബ്ദുൾ റിയാസ്, പി. അമൻ എന്നിവർ സംസാരിച്ചു. കൗൺസിലർ എസ്.എം. അബൂബക്കർ, കെ. സജിത്ത്, കെ. മായിൻ, ഡോ. പി. സുഷമ, ഡോ. ഗിരീഷ് ബാബു എം. എന്നിവർ പങ്കെടുത്തു.