ഹെൽത്തി കേരള കാംപെയ്ൻ തുടങ്ങി

തൃക്കരിപ്പൂർ സംസ്ഥാന ആരോഗ്യ കുടുംബക്ഷേമ വകുപ്പിന്റെ ഹെൽത്തി കേരള ഫീൽഡ് കാംപെയ്ൻ ജില്ലയിൽ തുടങ്ങി. വകുപ്പിന്റെ പ്രവർത്തനങ്ങളും സേവനങ്ങളും പ്രദർശിപ്പിക്കുന്ന ഐഇസി വാനിൻ്റെ ഫ്ലാഗ് ഓഫ് തൃക്കരിപ്പൂർ ഗ്രാമപ്പഞ്ചായത്ത് പ്രസിഡൻ്റ് സാജിദ സഫറുള്ള നിർവഹിച്ചു. പഞ്ചായത്ത് ആരോഗ്യ സ്ഥിരംസമിതി അധ്യക്ഷ എം.കെ. പ്രസന്ന അധ്യക്ഷയായി. ആരോഗ്യ കുടുംബക്ഷേമ ഡെപ്യൂട്ടി ഡയറക്ടർ ഡോ. ജി. മണികണ്‌ഠൻ, ജില്ലാ മെഡിക്കൽ ഓഫീസർ ഡോ. എ.വി. രാംദാസ്, യു.പി. ഫായിസ്, ഡോ. അജയ് രാജൻ, ഡോ. ധന്യ ദയാനന്ദ്, ഡോ. ജെ, അഞ്ജനം വി.കെ. രാജേഷ്, അബ്‌ദുൾ ലത്തീഫ് മഠത്തിൽ, എൻ.പി. ലിയാഖത്ത് എന്നിവർ സംസാരിച്ചു.