മികച്ച എൻ.സി.സി. വിദ്യാലയമായി സേക്രഡ് ഹാർട്ട് സ്‌കൂൾ

തൃശ്ശൂർ : കേരള, ലക്ഷദ്വീപ് എൻ.സി.സി. ഡയറക്‌ടറേറ്റിന്റെ ജൂനിയർ വിഭാഗം മികച്ച വിദ്യാഭ്യാസ സ്ഥാപനത്തിനുള്ള സംസ്ഥാനതല പുരസ്കാരം തൃശ്ശൂർ സേക്രഡ് ഹാർട്ട് കോൺവെൻ്റ് ഗേൾസ് ഹയർ സെക്കൻഡറി സ്കൂ‌ളിന്. സ്കൂ‌ളിൽ എൻ.സി.സി. യൂണിറ്റ് ആരംഭിച്ചതിൻ്റെ 25-ാം വാർഷികം ആഘോഷിക്കുന്ന വേളയിലാണ് ഈ അംഗീകാരം.

തിരുവനന്തപുരം പാങ്ങോട് മിലിട്ടറി സ്റ്റേഷനിലെ കരിയപ്പ ഓഡിറ്റോറിയത്തിൽനടന്ന ചടങ്ങിൽ മന്ത്രി ആർ. ബിന്ദു പുരസ്കാരം സമ്മാനിച്ചു. ഹെഡ്‌മിസ്ട്രസ് സിസ്റ്റർ ആഗ്നസ്, അസോസിയേറ്റ് എൻ.സി.സി. സെക്കൻഡ് ഓഫീസർ സാൻസി കെ. ജോസ് എന്നിവരുടെ നേതൃത്വത്തിൽ പുരസ്‌കാരം ഏറ്റുവാങ്ങി. കേരള, ലക്ഷദ്വീപ് എൻ.സി.സി. അഡീഷണൽ ഡയറക്ടർ ജനറൽ മേജർ ജനറൽ രമേശ് ഷൺമുഖം പങ്കെടുത്തു.