പുനർജനിയിലേക്ക് നയിക്കുന്നവർ ദൈവത്തോട് ചേർന്നുനിൽക്കുന്നവർ -എം. മുകുന്ദൻ

കോടിയേരി നിർധനരും നിരാലംബരുമായ അർബുദരോഗികളെ ജീവിതത്തിലേക്ക് തിരിച്ചുകൊണ്ടുവരാൻ അഹോരാത്രം പ്രവർത്തിക്കുന്നവർ, ദൈവത്തോട് അടുത്തുനിൽക്കുന്നവരാണെന്നും രോഗികൾക്ക് സാന്ത്വനവും പരിചരണവുമേകുന്നവർ മാലാഖമാരാണെന്നും എഴുത്തുകാരൻ എം. മുകുന്ദൻ. ലോക അർബുദ ദിനാചരണത്തിൻ്റെ ഭാഗമായി മലബാർ കാൻസർ സെന്റർ സംഘടിപ്പിച്ച സന്നദ്ധ സംഘടനകൾക്കുള്ള ഏകദിന ശില്പശാലയിൽ മുഖ്യഭാഷണം നടത്തുകയായിരുന്നു അദ്ദേഹം.

കെസിസിസി പ്രസിഡൻ്റ് നാരായണൻ പുതുക്കുടി അധ്യക്ഷതവഹിച്ചു. എംസിസി ഡയറക്‌ടർ ഡോ. സതീശൻ ബാലസുബ്രഹ്മണ്യൻ വിഷയാവതരണം നടത്തി. അർബുദ ബോധവത്കരണ പ്രദർശനവുമുണ്ടായി.

ഡോ. ഡി. കൃഷ്‌ണനാഥ പൈ, ഡോ. അർജുൻ ദേവരാജൻ, ഫാ. ബിപിൻ, രജീന തിരൂർ, ജോജി മാത്യു ജോർജ്, ഷീല സുരേഷ്, ഫാദർ സി. പി.ജസ്റ്റിൻ, ഡോ. എ.പി. നീതു, ഡോ. ഫിൻസ് എം. ഫിലിപ്പ്, പി.കെ. സുരേഷ്, കെ.എം. ചന്ദ്രൻ എന്നിവർ സംസാരിച്ചു.