ഭരണഘടനയുടെ ലിത്തോഗ്രാഫിക് പകർപ്പ് പബ്ലിക് ലൈബ്രറിയിൽ

കോട്ടയം: ഇന്ത്യൻ ഭരണഘടനയുടെ യഥാർഥ പകർപ്പുകൾ അച്ചടിച്ചതല്ല. മറിച്ച് മനോഹരമായ കാലിഗ്രാഫി ശൈലിയിൽ കൈയെഴുത്തിലുള്ളത്. ഇപ്പോൾ ഭരണഘടനയുടെ കാലിഗ്രാഫിയിലുള്ള ആയിരം ഫോട്ടോ ലിത്തോഗ്രാഫിക് കോപ്പികളുടെ ആദ്യ എഡിഷൻ തയ്യാറാക്കിയപ്പോൾ കോട്ടയം പബ്ലിക് ലൈബ്രറിയിലും ലഭിച്ചു ഒരെണ്ണം.

ആയിരം വർഷം വരെ കേടുകൂടാതെ സൂക്ഷിക്കാനാകുന്ന പേപ്പറിലാണ് ഇത് തയ്യാറാക്കിയിട്ടുള്ളത്. പബ്ലിക് ലൈബ്രറിയിൽ ലഭിച്ച കോപ്പി പ്രത്യേകം തയ്യാറാക്കിയ പെട്ടിയിൽ സൂക്ഷിക്കും.