കേരളത്തിന് അഭിമാനമായി ഇവർ

ദേശീയ വീർഗാഥ അവാർഡ്

വടകര: കേരളത്തിന് അഭിമാനമായി ദേശീയ വീർഗാഥ അവാർഡ് 5.0 നേടി മലയാളി വിദ്യാർഥികൾ. പ്രതിരോധമന്ത്രാലയവും ഇന്ത്യ ഗവൺമെന്റ് വിദ്യാഭ്യാസമന്ത്രാലയവും ചേർന്ന് സംഘടിപ്പിച്ച സിബിഎസ്ഇ പ്രോജക്ട് വീർഗാഥ 5.0 യിലെ വിവിധ മത്സരങ്ങളിലാണ് നാല് വിദ്യാർഥികൾ പുരസ്‌കാരം നേടിയത്.

വടകര ചോമ്പാല സ്വദേശിയും മാഹി പാറക്കൽ ഗവ. എൽ.പി. സ്കൂളിലെ നാലാം ക്ലാസ് വിദ്യാർഥിയുമായ അലോക് ദ്രുപത്, ഉള്ളിയേരി സ്വദേശിനിയും കോഴിക്കോട് പിഎം ശ്രീ കേന്ദ്രീയ വിദ്യാലയം (നമ്പർ-1) ഒൻപതാം ക്ലാസ് വിദ്യാർഥിനിയുമായ ആരാധ്യ കൃഷ്ണ, തൃശ്ശൂർ സ്വദേശിനിയും സി.എം.ഐ. സ്കൂൾ ചാലക്കുടിയിലെ പത്താം ക്ലാസ് വിദ്യാർഥിനിയുമായ നക്ഷത്ര വി. ഷൈൻ, തിരുവനന്തപുരം കഴക്കൂട്ടം പിഎം ശ്രീ കെ.വി.സി.ആർ.പി.എഫ്. പള്ളിപ്പുറം സ്കൂളിൽ ഒൻപതാം ക്ലാസ് വിദ്യാർഥി വൈഷ്‌ണവ് രാജ് എന്നിവർക്കാണ് പുരസ്കാരം ലഭിച്ചത്.

വിദ്യാഭ്യാസ, നൈപുണി വികസന-സംരംഭകത്വ സഹമന്ത്രി ജയന്ത് ചൗധരിയുടെ സാന്നിധ്യത്തിൽ കേന്ദ്ര സഹമന്ത്രി സഞ്ജയ് സേട്ട് പുരസ്‌കാരങ്ങൾ നൽകി.