'പുതുതലമുറയെ പൊതുജീവിതത്തിന്റെ മുഖ്യധാരയിൽ എത്തിക്കാൻ പദ്ധതികൾ ആവിഷ്‌കരിക്കണം'

വടകര : സാംസ്ക്‌കാരികപ്രവർത്തനങ്ങളിലൂടെയും അറിവുത്സവങ്ങളിലൂടെയും പുതുതലമുറയെ പൊതുജീവിതത്തിൻ്റെ മുഖ്യധാരയിലെത്തിക്കാൻ തദ്ദേശഭരണസ്ഥാപനങ്ങൾ കാലികമായ പദ്ധതികൾ ആവിഷ്കരിക്കണമെന്ന് ചരിത്രകാരൻ പി. ഹരീന്ദ്രനാഥ് പറഞ്ഞു. പുതിയാപ്പ് ഫാൽക്കെ ഫിലിം സൊസൈറ്റി ജനപ്രതിനിധികൾക്കായി ഒരുക്കിയ സ്വീകരണപരിപാടി ഉദ്ഘാടനംചെയ്യുകയായിരുന്നു അദ്ദേഹം.

വി. തങ്കമണി അധ്യക്ഷത വഹിച്ചു. ബി. അഖില, എം. പ്രേമൻ എന്നിവർ സംസാരിച്ചു.

വടകര നഗരസഭ ചെയർപേഴ്‌സൺ പി.കെ. ശശി, വൈസ് ചെയർപേഴ്സൺ കെ.എം. ഷൈനി, കൗൺസിലർമാരായ പി.കെ. സതീശൻ, പി. ഗീത, പി.പി. പവിത്രൻ, സി.കെ. അഖില, എം. സുരേഷ് ബാബു വി.കെ. മുഹമ്മദലി എന്നിവർക്ക് ആർട്ടിസ്റ്റ് പവിത്രൻ ഒതയോത്ത് വരച്ച ജനപ്രതിനിധികളുടെ രേഖാചിത്രങ്ങൾ ഉപഹാരമായി കൈമാറി.