മാധ്യമങ്ങൾ സമൂഹത്തിൻ്റെ കണ്ണാടി- ഡോ. സി.വി. ആനന്ദബോസ്

പി.എൻ. പ്രസന്നകുമാറിനെ അനുസ്‌മരിച്ചു

കൊച്ചി: സമൂഹത്തിൻ്റെ കണ്ണാടിയാണ് മാധ്യമങ്ങളെന്ന് ബംഗാൾ ഗവർണർ ഡോ. സി.വി. ആനന്ദബോസ്. ജനാധിപത്യത്തിൻ്റെ ജിഹ്വയാണ് മാധ്യമങ്ങളെന്നും എന്നാൽ മാധ്യമപ്രവർത്തനത്തിൽ കാതലായ മാറ്റങ്ങൾ വേണമെന്നും അദ്ദേഹം പറഞ്ഞു.

എറണാകുളം പ്രസ്‌ക്ലബ്ബും പി. എൻ. പ്രസന്നകുമാർ ഫൗണ്ടേഷനും ചേർന്ന് സംഘടിപ്പിച്ച പ്രഥമ പി.എൻ. പ്രസന്നകുമാർ സ്‌മാരക മാധ്യമ അവാർഡ്' മുതിർന്ന പത്രപ്രവർത്തകനായ തോമസ് ജേക്കബിന് സമ്മാനിച്ച് സംസാരിക്കുകയായിരുന്നു ഗവർണർ

ഗവർണേഴ്സ‌് എക്‌സലെൻസ് പുരസ്‌കാരം എറണാകുളം പ്രസ്ക്ലബ്ബിന് നൽകാൻ തീരുമാനിച്ചതായും അദ്ദേഹം പറഞ്ഞു.

തോമസ് ജേക്കബ് മറുപടിപ്രസംഗം നടത്തി. മുൻ പ്രതിപക്ഷ നേതാവ് രമേശ് ചെന്നിത്തല പി.എൻ. പ്രസന്നകുമാർ സ്മാരകപ്രഭാഷണം നടത്തി.

എറണാകുളം പ്രസ്ക്ലബ് പ്രസിഡൻ്റ് ആർ. ഗോപകുമാർ അധ്യക്ഷനായി.

ഹൈബി ഈഡൻ എംപി, എംഎൽഎമാരായ കെ. ബാബു. ടി.ജെ. വിനോദ്, മേയർ അഡ്വ. വി.കെ. മിനിമോൾ, വേണു രാജാമണി എന്നിവർ പ്രസംഗിച്ചു.

പ്രസ്ക്ലബ് സെക്രട്ടറി എം. ഷജിൽകുമാർ, പ്രസന്നകുമാർ ഫൗണ്ടേഷൻ അംഗം എൻ. ശ്രീകുമാർ എന്നിവർ പങ്കെടുത്തു.