അശാസ്ത്രീയ മത്സ്യബന്ധനം തോണികൾ കസ്റ്റഡിയിലെടുത്തു

ബേപ്പൂർ ഫിഷറീസ് വകുപ്പിൻ്റെ നിയമത്തിന് വിരുദ്ധമായി മത്സ്യബന്ധനം നടത്തിയ രണ്ടുതോണികൾ മറൈൻ എൻഫോഴ്‌സ്മെൻ്റ് കസ്റ്റഡിയിലെടുത്തു. ബേപ്പൂർ കടലിൽനടന്ന രാത്രികാല പരിശോധനയിലാണ് തോണികൾ പിടിച്ചെടുത്തത്.

പാസ്റ്റിക്, തെങ്ങിൻ കുലച്ചിൽ, മണൽച്ചാക്ക് എന്നിവ ഉപയോഗിച്ച് മത്സ്യബന്ധനം നടത്തിയ കെ.പി. സമദ്, അബ്ദു‌ൽ കരീം എന്നിവരുടെ ഉടമസ്ഥതയിലുള്ള തോണികളാണ് മറൈൻ എൻഫോഴ്സ്മെന്റ് എസ്ഐ രാജേഷിന്റെ നേതൃത്വത്തിലുള്ള സംഘം പിടികൂടിയത്.

ഫിഷർ ഗാർഡുമാരായ ബിബിൻ, അരുൺ, ശ്രീരാജ്, മനു, റസ്ക്യൂ ഗാർഡുമാരായ നന്ദു എന്നിവർ പരിശോധനയിൽ പങ്കെടുത്തു.