മാത്തമാറ്റിക്സ് ഒളിമ്പ്യാഡ്: അവാർഡ് പ്രഖ്യാപിച്ചു

കളമശ്ശേരി: കൊച്ചി ശാസ്ത്രസാങ്കേതിക സർവകലാശാലാ ഗണിതശാസ്ത്ര വകുപ്പും ഹോമി ബാബ സെന്റർ ഫോർ സയൻസ് ആൻഡ് റിസർച്ചും ചേർന്ന് നടത്തിയ റീജണൽ മാത്തമാറ്റിക്സ് ഒളിമ്പ്യാഡ്-2025 പരീക്ഷയിലെ കേരള-ലക്ഷദ്വീപ് റീജണിലെ അവാർഡുകൾ കുസാറ്റ് വൈസ് ചാൻസലർ ഡോ. എം. ജുനൈദ് ബുഷിരി പ്രഖ്യാപിച്ചു.

റീജണൽ കാറ്റഗറി എ-യിൽ പൂജാ മോഹൻ (വിശ്വജ്യോതി പബ്ലിക് സ്കൂൾ, അങ്കമാലി) സ്വർണമെഡൽ നേടി. വരുൺ മേനോൻ (ഭാരതീയ വിദ്യാഭവൻ പൂച്ചട്ടി, തൃശ്ശൂർ) വെള്ളിമെഡലും അതുൽ മനോജ് (നൈപുണ്യ പബ്ലിക് സ്കൂൾ, കാക്കനാട്) വെങ്കലമെഡലും നേടി.

കാറ്റഗറി ബി-യിൽ ശ്രീജേഷ് സുനിൽ (ദേവമാതാ സിഎംഐ പബ്ലിക് സ്കൂ‌ൾ, തൃശ്ശൂർ) സ്വർണമെഡലിന് അർഹനായി. സാരംഗ് പ്രജോഷ് (ദേവമാതാ സിഎംഐ പബ്ലിക് സ്‌കൂൾ, തൃശ്ശൂർ) വെള്ളിമെഡൽ നേടി. അദ്വൈത് (ദേവഗിരി പബ്ലിക് സ്കൂൾ, കോഴിക്കോട്) വെങ്കല മെഡൽ കരസ്ഥമാക്കി.

ചാമ്പ്യൻഷിപ്പ് നേടിയ അങ്കമാലി വിശ്വജ്യോതി പബ്ലിക് സ്കൂ‌ളിന് കുസാറ്റ് വൈസ് ചാൻസലർ ഡോ. എം. ജുനൈദ് ബുഷിരി എവർ റോളിങ് ട്രോഫി കൈമാറി. കുസാറ്റ് ഗണിതശാസ്ത്ര വകുപ്പ് മേധാവി ഡോ. ഷെറി ഫെർണാണ്ടസ് അധ്യക്ഷയായി. റീജണൽ കോഡിനേറ്റർ ഡോ. എ. നൗഫൽ, ജോയിന്റ് കോഡിനേറ്റർ ഡോ. എ.എ. അമ്പിളി തുടങ്ങിയവർ പങ്കെടുത്തു.