ദേവരാജൻ മലയാളിയെ ജീവിക്കാൻ പ്രേരിപ്പിച്ച ഗാനങ്ങളുടെ ശില്പി -ആലങ്കോട് ലീലാകൃഷ്ണൻ

കോഴിക്കോട്: മലയാളിയെ നിരാശകൾക്കുമുൻപിലും മരിക്കാനനുവദിക്കാതെ ജീവിക്കാൻ പ്രേരിപ്പിച്ച അനശ്വരഗാനങ്ങളുടെ ശില്പിയായിരുന്നു ജി. ദേവരാജനെന്ന് ആലങ്കോട് ലീലാകൃഷ്ണൻ പറഞ്ഞു. പെരുമ്പുഴ ഗോപാലകൃഷ്‌ണൻ രചിച്ച് മാതൃഭൂമി ബുക്‌് പ്രസിദ്ധീകരിച്ച 'ജി. ദേവരാജൻ സംഗീതത്തിന്റെ രാജശില്പി പുസ്ത‌കത്തിന്റെ പ്രകാശനം നിർവഹിക്കുകയായിരുന്നു അദ്ദേഹം.

കേരളീയജീവിതത്തിൻ്റെ എല്ലാ അടരുകളെയും സംഗീതത്തിലാക്കിയ വ്യക്തിയാണ് ദേവരാജൻ. അദ്ദേഹത്തിന്റെ ഗാനങ്ങൾ മലയാളത്തിൽ ഒരു തനത് സംഗീതസംസ്കാരംതന്നെ ഉണ്ടാക്കി. സുഗമസംഗീതത്തിന്റെ പരമാചാര്യനായിരുന്നു ദേവരാജനെന്നും അദ്ദേഹം പറഞ്ഞു.

യുവകലാസാഹിതിയും കെ.സി. ഗോപാലകൃഷ്ണൻ ഫൗണ്ടേഷനും ചേർന്ന് നടത്തിയ പരിപാടിയിൽ എ.കെ. അജയൻ പുസ്തകം സ്വീകരിച്ചു. ഡോ. ഒ.കെ. മുരളീകൃഷ്ണൻ അധ്യക്ഷനായി. ഡോ. ശശികുമാർ പുറമേരി, വാസുദേവ മേനോൻ, ബിജു പെരുമ്പുഴ, അഷ്റഫ് കുരുവട്ടൂർ, കെ.വി. സത്യൻ എന്നിവർ സംസാരിച്ചു. ഗാനസന്ധ്യയും അരങ്ങേറി.