ഫോട്ടോഗ്രാഫർമാരെ സംസ്ഥാന ക്ഷേമനിധിയിൽ ഉൾപ്പെടുത്തണം -സെൻട്രൽ ഓർഗനൈസേഷൻ ഓഫ് ക്യാമറ

ബേപ്പൂർ: ഫോട്ടോഗ്രാഫർമാരെ കലാകാരർക്കുള്ള ക്ഷേമനിധിയിൽ ഉൾപ്പെടുത്തണമെന്ന് സെൻട്രൽ ഓർഗനൈസേഷൻ ഓഫ് ക്യാമറ വാർഷികസമ്മേളനം കേരള സർക്കാരിനോട് ആവശ്യപ്പെട്ടു. ബേപ്പൂരിൽനടന്ന സമ്മേളനം പ്രശസ്‌ത ഫോട്ടോഗ്രാഫർ പി. മുസ്‌തഫ ഉദ്ഘാടനംചെയ്തു. ജില്ലാപ്രസിഡന്റ് ബബിലേഷ് അധ്യക്ഷനായി.

ജില്ലാസെക്രട്ടറി വിനൂപ് ചന്ദ്രൻ, ജമാൽ കൊടുവള്ളി, കെ.കെ. പ്രജീഷ്, കെ.വി. ത്രിബുദാസ്, ചന്ദ്രൻ പാറക്കടവ്, അനന്തു മംഗലോളി, സുവീഷ് ഭാവന, സലാം പേരാമ്പ്ര എന്നിവർ സംസാരിച്ചു.