കേരള ഡിസബിലിറ്റി ഫെസ്റ്റ്: ലോഗോ പ്രകാശനം

കോഴിക്കോട് : കേരള ഡിസബിലിറ്റി ഫെസ്റ്റിന്റെ ലോഗോ കളക്ട‌ർ സ്നേഹിൽകുമാർ സിങ് മലാപ്പറമ്പ് വൊക്കേഷണൽ റീഹാബിലിറ്റേഷൻ സെൻ്ററിലെ വിദ്യാർഥികൾക്ക് നൽകി പ്രകാശനംചെയ്തു. ജനുവരി 29 മുതൽ ഫെബ്രുവരി ഒന്നുവരെ ബീച്ചിലാണ് ഫെസ്റ്റ്.

സംഘാടകസമിതി ചെയർമാൻ ഡോ. റോഷൻ ബിജിലി, ജനറൽ കൺവീനർ ഡോ. എ.കെ. അബ്‌ദുൽഹക്കീം, ജില്ലാ ഇൻഫർമേഷൻ ഓഫീസർ സി.പി. അബ്‌ദുൽകരീം, ഡോ. പി.വി. ഗോപിരാജ്, ബൈജു ആയടത്തിൽ, കെ.ടി. നദീർ, ഡോ. ഫായിസ് മുഹമ്മദ്, സൈലസ് സെബാസ്റ്റ്യൻ, സമീർ സഫീറ മൻസിൽ, മുഹമ്മദ് ശുഐബ് തുടങ്ങിയവർ പങ്കെടുത്തു. ഡിസബിലിറ്റി രംഗത്ത് പ്രവർത്തിക്കുന്ന കേരളത്തിലെ മുപ്പതോളംവരുന്ന സംഘടനകൾ തണൽ ദയ റീഹാബിലിറ്റേഷൻ ട്രസ്റ്റുമായി സഹകരിച്ചാണ് ഫെസ്റ്റ് സംഘടിപ്പിക്കുന്നത്.