സിറ്റിസൺ റെസ്പോൺസ് പ്രോഗ്രാം: കർമസേന അംഗങ്ങൾക്കുള്ള പരിശീലനം നടന്നു

ബാലുശ്ശേരി: സംസ്ഥാന സർക്കാർ ആവിഷ്കരിച്ച നവകേരളം സിറ്റിസൺ റെസ്പോൺസ് പ്രോഗ്രാമിന്റെ ഭാഗമായി ബാലുശ്ശേരി മണ്ഡലത്തിലെ കർമസേന അംഗങ്ങൾക്കുള്ള പരിശീലനം ബാലുശ്ശേരി ബ്ലോക്ക് പഞ്ചായത്ത് ഹാളിൽ നടന്നു. ജില്ലാ ഇൻഫർമേഷൻ ഓഫീസർ സി.പി. അബ്ദുൽകരീം ഉദ്ഘാടനംചെയ്തു.

2026 ജനുവരി ഒന്നുമുതൽ ഫെബ്രുവരി 28 വരെ നടത്തുന്ന പ്രോഗ്രാമിന് മുന്നോടിയായി ജില്ലയിലെ 13 നിയോജകമണ്ഡലങ്ങളിലെയും കർമസേന അംഗങ്ങൾക്കാണ് പരിശീലനം നൽകുന്നത്. നവകേരളം സിറ്റിസൺ റെസ്പോൺസ് പ്രോഗ്രാം.ഘടനയും പ്രവർത്തനവും, അഭിപ്രായ ശേഖരണം തുടങ്ങിയ വിഷയങ്ങളിൽ ക്ലാസുകൾ നൽകി.

വിവരശേഖരണത്തിനായുള്ള മൊബൈൽ ആപ്പും പരിപാടിയിൽ പരിചയപ്പെടുത്തി. ജില്ലയിലെ വിവിധ നിയമസഭാ മണ്ഡലങ്ങളിലായി ഇതിനകം 1500-ഓളം പേർ പരിശീലനം പൂർത്തിയാക്കിക്കഴിഞ്ഞു, അസംബ്ലിതല ചാർജ് ഓഫീസർമാരുടെ നേതൃത്വത്തിലാണ് കർമസേനാ അംഗങ്ങൾക്കുള്ള പരിശീലനം പുരോഗമിക്കുന്നത്.