ക്രിസ്മ‌സ് നൽകുന്നത് എളിമയുടെ സന്ദേശം -ബിഷപ്പ് ഡോ. ജോസഫ് മാർ തോമസ്

മാനന്തവാടി : ക്രിസ്‌മസ് എളിമയുടെയും നന്മയുടെയും സന്ദേശമാണ് നൽകുന്നതെന്നും ഇവ രണ്ടും മുറുകെപ്പിടിക്കുന്നവർക്കുമാത്രമേ ജീവിതവിജയമുണ്ടാവു എന്നും സുൽത്താൻ ബത്തേരി രൂപതാധ്യക്ഷനും കാത്തലിക് ബിഷപ്സ് കോൺഫറൻസ് ഓഫ് ഇന്ത്യ (സിബിസിഐ) വൈസ് പ്രസിഡൻ്റുമായ ഡോ. ജോസഫ് മാർ തോമസ് പറഞ്ഞു. ക്രിസ്ത്യൻ ലീഡേഴ്‌സ് ഫോറം പെരുവക സെയ്ന്റ് ആൻസ് ഭവനിൽ നടത്തിയ ക്രിസ്‌മസ്‌ ആഘോഷം ഉദ്ഘാടനംചെയ്യുകയായിരുന്നു ബിഷപ്പ്.

മാനന്തവാടി നഗരസഭാ കൗൺസിലർ അഡ്വ. സിന്ധു സെബാസ്റ്റ്യൻ അധ്യക്ഷതവഹിച്ചു. കൗൺസിലർമാരായ ജേക്കബ് സെബാസ്റ്റ്യൻ, എം.പി. ശശികുമാർ, സെയ്ന്റ് ആൻസ് മദർ സുപ്പീരിയർ സിസ്റ്റർ ജെസി ജോസഫ്, മാനന്തവാടി പ്രസ് ക്ളബ് പ്രസിഡൻ്റ് അരുൺ വിൻസെന്റ് അഡ്വ. പി.ജെ. ജോർജ്, കെ.എം. ഷിനോജ്, എന്നിവർ സംസാരിച്ചു.

എക്യുമെനിക്കൽ ക്രിസ്‌ത്യൻ ലീഡേഴ്‌സ് ഫോറം ചെയർമാൻ ജസ്റ്റിൻ ചെഞ്ചട്ടയിൽ, കൺവീനർ ഷിജാ ഫ്രാൻസിസ്, അഡ്വ. ജോസ് കുമ്പുക്കൽ, സിസ്റ്റർ ഷൈനി ജോസഫ്, സിസ്റ്റർ റോസ്ലിൻ ജോർജ്, അഡ്വ. ഗ്ലാഡിസ് ചെറിയാൻ, ഷൈനി മൈക്കിൾ എന്നിവർ നേതൃത്വംനൽകി.