വാഹനാപകടത്തില്‍ മരിച്ച ഷിബുവിന്റെ ഹൃദയം മാറ്റിവയ്ക്കും; ജില്ലാതല ആശുപത്രിയില്‍ ഹൃദയമാറ്റം ആദ്യം

രാജ്യത്ത് ആദ്യമായി ഒരു ജില്ലാതല ആശുപത്രി ഹൃദയമാറ്റ ശസ്ത്രക്രിയയ്ക്ക് ഒരുങ്ങുന്നു. എറണാകുളം ജനറൽ ആശുപത്രിയില്‍ അപൂർവ ജനിതകരോഗം ബാധിച്ച് ഹൃദയം തകരാറിലായ നേപ്പാളുകാരി ദുർഗയ്ക്കാണ് ഹൃദയമാറ്റ ശസ്ത്രക്രിയ നടത്തുന്നത്. ബൈക്കപകടത്തിൽ മസ്തിഷ്കമരണം സംഭവിച്ച കൊല്ലം ചിറക്കര സ്വദേശി ആർ.ഷിബുവിന്റെ അവയവങ്ങളാണ് ദാനം ചെയ്യുന്നത്. എയർ ആംബുലൻസിൽ അവയവങ്ങൾ തിരുവനന്തപുരത്തു നിന്ന് എറണാകുളത്തേക്ക് ഉടന്‍ കൊണ്ടുപോകും. 7 പേർക്ക് പുതുജീവൻ നൽകിയാണ് ഷിബു മടങ്ങുന്നത്.