ഭരണസമിതിയുടെ അവസാന കൗൺസിൽ യോഗം ചേർന്നു

കോട്ടയ്ക്കൽ നിലവിലെ നഗരസഭാ ഭരണസമിതിയുടെ കാലാവധി അവസാനിക്കുന്ന ശനിയാഴ്‌ച അവസാന കൗൺസിൽ യോഗം ചേർന്നു. 2024-25 വർഷത്തെ വാർഷിക ധനകാര്യപത്രിക പ്രകാരം നീക്കിയിരിപ്പ് 17.96 കോടി രൂപയായി വർധിച്ചതായി നഗരസഭാധ്യക്ഷ ഡോ. കെ. ഹനീഷ അറിയിച്ചു. ഭരണസമിതിയുടെ അവസാനയോഗം തിരഞ്ഞെടുപ്പ് പെരുമാറ്റച്ചട്ടം നിലവിൽ വരുന്നതിനുമുൻപേ ചേർന്നിരുന്നു. എന്നാൽ സാമൂഹികക്ഷേമ പെൻഷൻ അവസാനഘട്ട പട്ടികയ്ക്കും വിവിധ പദ്ധതികൾക്കും അംഗീകാരം നൽകാനായാണ് യോഗം വിളിച്ചതെന്നു നഗരസഭാധ്യക്ഷ പറഞ്ഞു.