ശബരിമലയിൽ ട്രാക്‌ടർ ഭക്തർക്കിടയിലേക്ക് പാഞ്ഞുകയറി; കുട്ടികൾ ഉൾപ്പെടെ 9 പേർക്ക് പരിക്ക്, രണ്ടുപേരുടെ നില ഗുരുതരം

പത്തനംതിട്ട: ശബരിമല സന്നിധാനത്ത് ട്രാക്‌ടർ ഭക്തർക്ക് ഇടയിലേക്ക് പാഞ്ഞുകയറി അപകടം. രണ്ടുകുട്ടികൾ ഉൾപ്പെടെ ഒൻപതുപേർക്ക് പരിക്ക്. ഇതിൽ രണ്ടുപേരുടെ നില അതീവ ഗുരുതരമാണെന്നാണ് വിവരം. ശനിയാഴ്‌ച വൈകിട്ട ആറേകാലോടെയാണ് അപകടമുണ്ടായത്.

മാലിന്യം കൊണ്ടുപോകാൻ ഉപയോഗിക്കുന്ന ട്രാക്‌റാണ് അപകടത്തിൽപ്പെട്ടത്. കനത്ത മഴയിൽ കുത്തനെയുള്ള റോഡിൽ വാഹനം നിയന്ത്രണം വിടുകയായിരുന്നു എന്നാണ് വിവരം. ഡ്രൈവറെ സന്നിധാനം പോലീസ് കസ്റ്റഡിയിലെടുത്തിട്ടുണ്ട്. അപകടസമയത്ത് ട്രാക്ടറിൽ അഞ്ചുപേരുണ്ടായിരുന്നെന്നാണ് വിവരം.