ഹോൺബിൽ ഉത്സവത്തിന് കേരളത്തിലെ ഗോത്രകലാകാരന്മാരും

കോഴിക്കോട്: ലോകപ്രസിദ്ധമായ ഹോൺബിൽ ഉത്സവത്തിൽ പങ്കെടുക്കാൻ

കേരളത്തിലുള്ള ഗോത്രവർഗ കലാകാരന്മാരും ഷില്ലോങ്ങിലെത്തി. മലയാളിയായ ഷക്കീൽ അഹമ്മദാണ് ഇപ്പോൾ മേഘാലയയുടെ ചീഫ് സെക്രട്ടറി. അദ്ദേഹമാണ് ഹോൺബിൽ ഉത്സവത്തിനെത്തിയ കേരളസംഘത്തെ ഷില്ലോങ്ങിലേക്ക് വരവേറ്റത്.

ഗോത്രാചാരപ്രകാരമുള്ള ആദരവ് സംഘാംഗങ്ങൾ മലയാളി ചീഫ് സെക്രട്ടറിക്ക് നൽകി. കേരളത്തിൽനിന്ന് തിരഞ്ഞെടുക്കപ്പെട്ട പതിനഞ്ചോളം കലാകാരന്മാരാണ് ഷില്ലോങ്ങിലെത്തിയിരിക്കുന്നത്. യാത്രയ്ക്കിടെ കേരളസംഘം അസമിലും നാഗാലാൻഡിലും സന്ദർശനം നടത്തുകയും കലാപരിപാടികൾ അവതരിപ്പിക്കുകയും ചെയ്‌തു. അസമിൽ ഒരു നൂറ്റാണ്ടിലേറെ പഴക്കമുള്ള കോട്ടൺ യൂണിവേഴ്‌സിറ്റിയിലാണ് കേരളത്തിലെ കലാകാരന്മാർ യാത്രയ്ക്കിടെ പരിപാടികൾ അവതരിപ്പിച്ചത്. പിന്നീട് അസം ഗോത്രവർഗ ഗവേഷണകേന്ദ്രത്തിലും ബ്രഹ്മപുത്ര തീരത്തും കലാപരിപാടികൾ അരങ്ങേറി. തുടർന്നാണ് ഹോൺബിൽ ഉത്സവവേദിയിലേക്ക് കലാകാരന്മാർ എത്തിയത്.

ചലച്ചിത്രഅവാർഡ് ജേതാവും ഗായികയുമായ നഞ്ചിയമ്മ, ചിക്കിമല്ലൻ, കെ.എസ്. മല്ലൻ, സുലോചന കാണി, ചേമി ചിങ്കിറ്ൾ, തങ്കമണി കാളൻ തുടങ്ങിയവർ ഉൾപ്പെടെയുള്ളവരാണ് സംഘത്തിലുള്ളത്. കിർത്താഡ്സ് ഉദ്യോഗസ്ഥരും സംഘത്തിലുണ്ട്.