'വ്യാവസായിക പുരോഗതിക്ക് ഉത്പാദനമേഖല ശക്തമാവണം'

കോഴിക്കോട്: കേരളത്തിൻ്റെ വ്യാവസായിക പുരോഗതിക്ക് ഉത്പാദനമേഖല ശക്തമാവേണ്ടതുണ്ടെന്ന് ധനകാര്യവിദഗ്‌ധൻ ഡോ. കെ.പി. കണ്ണൻ. ടൗൺഹാളിലെ വി.എസ്. ഓർമ്മയിൽ പരിപാടിയിൽ 'ആഗോള സമ്പദ്വ്യവസ്ഥയും കേരളവും' എന്ന വിഷയത്തിൽ ഓൺലൈനിൽ സംസാരിക്കുകയായിരുന്നു അദ്ദേഹം.

പാശ്ചാത്യസങ്കല്പങ്ങൾക്ക് അനുസരിച്ച് ആധുനികസമൂഹമാവാൻ സ്വാതന്ത്ര്യത്തിനു മുൻപുതന്നെ കേരളത്തിന് സാധ്യതകളുണ്ടായിരുന്നു.

കേരളത്തിന്റെ തൊഴിൽശക്തി ഇന്ന് കൂടുതലും വിനിയോഗിക്കപ്പെടുന്നത് ഗൾഫ് നാടുകളിലാണ്. ആഗോള സമ്പദ്‌വ്യവസ്ഥയിൽ പക്ഷേ, നാം ചെലുത്തുന്ന സ്വാധീനം അത്രവലുതല്ലെന്നും കേരളത്തിന് ബഹുദൂരം മുന്നോട്ടുപോകാനുണ്ടെന്നും ഡോ. കണ്ണൻ പറഞ്ഞു.

മാറുന്ന ലോകം, ഇടതുപക്ഷം, ജനാധിപത്യം എന്ന സെഷനിൽ എം.എം. സോമശേഖരൻ, തമ്പാൻ തോമസ്, എം. അരുൺ, ഡോ. ആസാദ് എന്നിവർ പ്രബന്ധങ്ങൾ അവതരിപ്പിച്ചു.

എൻ.വി. ബാലകൃഷ്‌ണൻ മോഡറേറ്ററായി.

സമാപനയോഗത്തിൽ പ്രൊഫ. എൻ. സുഗതൻ, ജോസഫ് സി. മാത്യു പി.കെ. പ്രിയേഷ് കുമാർ എന്നിവർ സംസാരിച്ചു.

വിഎസിന്റെ രാഷ്ട്രീയ ഇടപെടലുകൾ, സമരസന്ദർഭങ്ങൾ എന്നിവ അനാവരണംചെയ്യുന്ന ചിത്ര-ഫോട്ടോ പ്രദർശനം, ഇൻസ്റ്റലേഷൻ എന്നിവയുടെ പ്രദർശനം ആർട്ട് ഗാലറിയിൽ ശനിയാഴ്‌ചയും തുടരും.