ഇന്ത്യൻ മിക്സ്‌ ബോക്സിങ് സ്റ്റേറ്റ് ചാമ്പ്യൻഷിപ്പ്: സി.വി.എൻ. കളരിതാരങ്ങൾക്ക് വിജയം

കേളകം: മലപ്പുറത്ത് നടന്ന ഇന്ത്യൻ മിക്‌സ് ബോക്‌സിങ് സ്റ്റേറ്റ് ചാമ്പ്യൻഷിപ്പിൽ സി.വി.എൻ. കളരിയിലെ ആറുതാരങ്ങൾക്ക് മെഡൽ നേട്ടം. പരിശീലകൻ എൻ.ഇ. പവിത്രൻ്റെ നേതൃത്വത്തിൽ ടീം മൂന്ന് സ്വർണവും മൂന്ന് വെള്ളിയും കരസ്ഥമാക്കി. റിനോക്‌സ് സ്റ്റീഫൻ, ഇബിൻ ബിജു, ദേവഗംഗ എസ്. പവി എന്നിവർ സ്വർണവും വിട്ട്സ്വിൻ സാൻജോസ്, ബിജോൺ തോമസ്, അഞ്ജലീന തെരേസ ജിജോ എന്നിവർ വെള്ളിയും നേടി.