നിരോധിത ഫ്ലക്സ് വേട്ട: കോഴിക്കോട് പിടികൂടിയത് 450 കിലോ

 നിരോധിത ഫ്ലക്സ് വേട്ട:

കോഴിക്കോട് പിടികൂടിയത് 450 കിലോ!

തിരഞ്ഞെടുപ്പ് ചട്ടം ലംഘിച്ച് സൂക്ഷിച്ച വൻ ശേഖരം പിടിച്ചെടുത്തു; വൻകിട പ്രിന്റിംഗ് സ്ഥാപനങ്ങൾക്ക് നോട്ടീസ്.

കോഴിക്കോട്: തദ്ദേശ സ്വയംഭരണ തിരഞ്ഞെടുപ്പുമായി ബന്ധപ്പെട്ട് പ്രചാരണ സാമഗ്രികൾക്ക് കർശന നിയന്ത്രണം ഏർപ്പെടുത്തിയിരിക്കെ, ജില്ലയിൽ നിരോധിത ഫ്ലക്സ് ബോർഡുകൾക്കെതിരെ വൻ നടപടി. ജില്ലാ എൻഫോഴ്‌സ്‌മെന്റ് സ്ക്വാഡ് നടത്തിയ മിന്നൽ പരിശോധനയിൽ

450 കിലോ നിരോധിത ഫ്ലക്സ് പിടിച്ചെടുത്തു.

ജില്ലയിലെ വൻകിട പ്രിന്റിംഗ് മെറ്റീരിയൽ വിൽപ്പന ശാലകളിലും ഹോൾസെയിൽ ഗോഡൗണുകളിലുമാണ് സ്ക്വാഡ് പരിശോധന നടത്തിയത്. തദ്ദേശ സ്വയംഭരണ വകുപ്പിലെ ഇന്റേണൽ വിജിലൻസ് ഓഫീസർ ടി. ഷാഹുൽ ഹമീദിന്റെ നേതൃത്വത്തിലായിരുന്നു നിർണായകമായ ഈ പരിശോധന.