തദ്ദേശതിരഞ്ഞെടുപ്പ്: വോട്ടെടുപ്പുദിവസങ്ങളിൽ അവധിക്ക് നിർദേശം

തിരുവനന്തപുരം: തദ്ദേശ വോട്ടെടുപ്പുദിവസങ്ങളിൽ പൊതുഅവധി പ്രഖ്യാപിക്കാൻ സംസ്ഥാന തിരഞ്ഞെടുപ്പ് കമ്മിഷൻ സർക്കാരിന് നിർദേശം നൽകി. ഡിസംബർ ഒൻപത്, 11 തീയതികളിൽ ബന്ധപ്പെട്ട ജില്ലകളിൽ പൊതു അവധിയും നെഗോഷ്യബിൾ ഇൻസ്ട്രുമെൻ്റ് ആക്‌ട് അനുസരിച്ചുള്ള അവധിയും അനുവദിക്കണം ഫാക്‌ടറി, പ്ലാൻ്റേഷൻ മറ്റ് ഇതരവിഭാഗം ജീവനക്കാർക്കുംകൂടി പൊതുഅവധി ലഭ്യമാക്കുകയോ അല്ലെങ്കിൽ അവർക്ക് വോട്ടവകാശം വിനിയോഗിക്കുന്നതിനോ ഉള്ള സൗകര്യം നൽകുകയോ വേണം, കേന്ദ്രസർക്കാർ വകുപ്പുകളിലെയും കേന്ദ്ര പൊതുമേഖലാ സ്ഥാപനങ്ങളിലെയും ജീവനക്കാർക്ക് വോട്ടെടുപ്പുദിവസങ്ങളിൽ അവധി അനുവദിക്കുന്നതിന് നടപടി സ്വീകരിക്കാൻ തിരഞ്ഞെടുപ്പ് കമ്മിഷൻ ആവശ്യപ്പെട്ടു.