വാട്ടർ അതോറിറ്റിക്ക് ദേവസ്വംബോർഡ് പണം കൊടുക്കണമെന്ന് ഹൈക്കോടതി

പത്തനംതിട്ട: വാട്ടർ അതോറിറ്റിക്ക് തിരുവിതാംകൂർ ദേവസ്വംബോർഡ് നൽകാനുള്ള 15.48 കോടി കുടിശ്ശികയിൽ മൂന്നിലൊന്ന് അടിയന്തരമായി നൽകണമെന്ന് ഹൈക്കോടതി. 17 കോടി രൂപയാണ് ബോർഡ് നൽകാനുണ്ടായിരുന്നത്. ഇതിൽ ആറുകോടി കഴിഞ്ഞ ജൂലായിൽ അടച്ചിരുന്നു. തിരുവിതാംകൂർ ദേവസ്വംബോർഡിൻറെയും വാട്ടർ അതോറിറ്റിയുടെയും ഉദ്യോഗസ്ഥരെ കഴിഞ്ഞദിവസം ഹൈക്കോടതി നേരിട്ട് വിളിപ്പിച്ചിരുന്നു.

തുടർന്നാണ് നിർദേശം നൽകിയത്. തർക്കങ്ങൾ പരിഹരിക്കാനും ബാക്കിതുകയുടെ കാര്യത്തെില തീരുമാനം നിരീക്ഷിക്കാനും ഇരു വകുപ്പിലെയും ഉത്തരവാദിത്വപ്പെട്ട ഉദ്യോഗസ്ഥരെ ചേർത്ത് കമ്മിറ്റി രൂപവത്കരിക്കണമെന്നും കോടതി നിർദേശിച്ചു. വാട്ടർ അതോറിറ്റിക്കുവേണ്ടി അഡ്വ. ജോർജ് ജോണിയും സൂപ്രണ്ടിങ് എൻജിനീയർ ആർ.വി. സന്തോഷ് കുമാറും എക്സിക്യൂട്ടീവ് എനജിനീയർ എബ്രഹാം വർഗീസും ഹാജരായി. കേസ് നവംബർ 26-ന് കോടതി പരിഗണിക്കും.