ഐഐഎമ്മിൽ അലംനൈ അവാർഡുകൾ വിതരണംചെയ്തു

കുന്ദമംഗലം: മൂന്നുദിവസമായി കോഴിക്കോട് ഐഐഎമ്മിൽ നടന്നുവന്ന അലംനൈ മീറ്റ് നൊസ്റ്റാൾജിയ സമാപിച്ചു. ഡയറക്‌ടർ പ്രൊഫ. ദേബാശിഷ് ചാറ്റർജി പുരസ്കാരങ്ങൾ നൽകി.

ചടങ്ങിൽ ഹരിശങ്കർ രാധാകൃഷ്‌ണൻ, ശശാങ്ക് ജെയ്‌സ്‌വാൾ, ഹരീഷ് കൃഷ്ണൻ എന്നിവർക്ക് ഡിസ്റ്റിൻഗ്വിഷ്‌ഡ് അവാർഡ് 2024-ഉം സുഭി ഭാട്യ, അൻഷുൽ ഖണ്ഡേവാൾ, വിശ്വാസ് ആനന്ദ് എന്നിവർക്ക് യങ് അലംനൈ അച്ചിവേഴ്സ് അവാർഡും വിതരണം ചെയ്ത‌തും

221 പൂർവ വിദ്യാർഥികളും കുടുംബാംഗങ്ങളുമാണ് പരിപാടിയിൽ പങ്കെടുത്തത്. അഞ്ചുമുതൽ 20 വർഷംമുൻപുവരെ കോഴ്‌സ് പൂർത്തിയാക്കിയ പൂർവ വിദ്യാർഥികൾ വിശിഷ്‌ടക്ഷണിതാക്കളായെത്തി.

സ്പീച്ച് നെറ്റ് വർക്കിങ്, കാമ്പസ് ടൂർ, കേരളോത്സവം, ഗെയിം നൈറ്റ്, റീ ഗ്രാഷൻ, അലംനെ ക്ലിനിക്, തുടങ്ങിയ പരിപാടികളാണ് നടന്നത്.