റെയിൽവേ സ്റ്റേഷനുകളിൽ സുരക്ഷാ പരിശോധന

കൊച്ചി: ഡൽഹി സ്ഫോടനത്തിൻ്റെ പശ്ചാത്തലത്തിൽ നഗരത്തിലെ രണ്ട്

റെയിൽവേ സ്റ്റേഷനുകളിൽ വൈകീട്ട് സുരക്ഷാ പരിശോധന കർശനമാക്കി. തിങ്കളാഴ്ച്‌ച രാത്രിയോടെ എറണാകുളം സൗത്ത്-നോർത്ത് റെയിൽവേ സ്റ്റേഷനുകളിൽ റെയിൽവേ സുരക്ഷാസേനയുടെയും ഡോഗ് സ്ക്വാഡിന്റെയും നേതൃത്വത്തിലാണ് പരിശോധന നടത്തിയത്. പെൺകുട്ടിയെ ട്രെയിനിൽനിന്ന് തള്ളിയിട്ട സംഭവത്തെ തുടർന്ന് കഴിഞ്ഞ ഏതാനും ദിവസങ്ങളായി റെയിൽവേ സ്റ്റേഷനുകളിലെത്തുന്ന യാത്രക്കാരെ ഉൾപ്പെടെ പരിശോധന നടത്തിയിരുന്നു. ഡൽഹി സ്ഫോടനത്തിൻ്റെ പശ്ചാത്തലത്തിൽ തിങ്കളാഴ്‌ച രാത്രിയോടെ പരിശോധന കൂടുതൽ കർശനമാക്കി. കൊച്ചി മെട്രോയിലും സുരക്ഷാസംവിധാനങ്ങൾ കൂടുതൽ കർശനമാക്കി.