ബിഹാറിൽ റെക്കോഡ് പോളിങ് 64.66 %

ബിഹാർ നിയമസഭാ തിരഞ്ഞെടുപ്പിൻ്റെ ഒന്നാംഘട്ട വോട്ടെടുപ്പിൽ ചരിത്രത്തിലെ ഏറ്റവും ഉയർന്ന പോളിങ്. രാത്രി 8.15 വരെയുള്ള കണക്കുപ്രകാരം 64.56 ശതമാനം പേർ വോട്ട് രേഖപ്പെടുത്തിയതായി തിരഞ്ഞെടുപ്പു കമ്മിഷൻ അറിയിച്ചു. ഇക്കുറി സ്ത്രീപങ്കാളിത്തം മുൻവർഷങ്ങളെക്കാൾ കൂടുതലാണ്.

ഉപമുഖ്യമന്ത്രിയും ബിജെപി നേതാവുമായ വിജയ് കുമാർ സിൻഹയുടെ വാഹനവ്യൂഹത്തിനുനേരേ ലഖിസരായിയിൽ ചെരിപ്പേറും ചാണകമേറുമുണ്ടായി. ഛപ്രയിൽ സിപിഎം സ്ഥാനാർഥി സത്യേന്ദ്രയാദവിൻ്റെ വാഹനത്തിനുനേരേയും ആക്രമണമുണ്ടായി.