ശ്രീലങ്കൻ പ്രതിനിധിസംഘം സിപിസിആർഐ സന്ദർശിച്ചു

കാസർകോട്: ശ്രീലങ്കയിലെ നാളികേര ഗവേഷണസ്ഥാപനത്തിൽ നിന്നുള്ള

പ്രതിനിധികൾ കേന്ദ്ര തോട്ടവിള ഗവേഷണകേന്ദ്രം (സിപിസിആർഐ) സന്ദർശിച്ചു. നവംബർ ഏഴുവരെയുള്ള ഇന്ത്യാ സന്ദർശനത്തിന്റെ ഭാഗമായാണ് ശ്രീലങ്കൻ പ്രതിനിധിസംഘം സന്ദർശനം നടത്തിയത്. തെങ്ങ് ഗവേഷണത്തിലും വികസനത്തിലും ഉഭയകക്ഷി സഹകരണം ശക്തമാക്കുന്നതിൻ്റെ ഭാഗമായിരുന്നു സന്ദർശനം. ഈ മേഖലയിൽ സിപിസിആർഐയുടെ പ്രധാന നേട്ടങ്ങളെക്കുറിച്ച് ഡയറക്ടർ ഡോ. ഹെബ്ബാർ വിവരിച്ചു.

അഡീഷണൽ ഡയറക്‌ടർ ഡോ. നയനി സാമന്ത അരച്ചിഗെ, ഡോ. ചാമിന്ദ ഷമൻ ഹെറാത്ത്, ഡോ. മുഹമ്മദ് ഖാലിദ് ഫാത്തിമ നദീഷ, ഡോ. അടപ്പാട്ടു അരച്ചിലാഗെ, ഡോ. പാസ്കൽ ഹാണ്ടി പ്രസാദ് റോഷൻ ഡിസിൽവ എന്നിവരാണ് ശ്രീലങ്കൻ സംഘത്തിലുണ്ടായിരുന്നത്. പ്രതിനിധിസംഘം സിപിസിആർഐയുടെ പരീക്ഷണ ഫാമും സൗകര്യങ്ങളും ലബോറട്ടറിയും സന്ദർശിച്ചു. ഡോ. വി.നിരാൽ, ഡോ. കെ.പൊന്നുസ്വാമി എന്നിവരുമൊപ്പമുണ്ടായിരുന്നു.