കുഴൽപ്പണവേട്ട: ഒന്നരക്കോടിയോളം രൂപ പിടികൂടി

മീനങ്ങാടി : വയനാട് ഡെപ്യൂട്ടി എക്സൈസ് കമ്മിഷണറുടെ മേൽനോട്ടത്തിൽ ബത്തേരി എക്സൈസ് സർക്കിൾ ഇൻസ്പെക്‌ടർ എം.കെ. സുനിൽ, എക്സൈസ് റെയ്ഞ്ച് ഇൻസ്പെക്‌ടർ ബാബുരാജ് എന്നിവർ ചേർന്ന് നടത്തിയ വാഹനപരിശോധനയിൽ രേഖകൾ ഇല്ലാതെ പണവുമായി യാത്രക്കാരൻ പിടിയിലായി.

മീനങ്ങാടിക്ക് സമീപം നടത്തിയ പരിശോധനയിലാണ് നിയമവിരുദ്ധമായ 1,36,90,000 രൂപ മലപ്പുറം തിരുരങ്ങാടി വള്ളിക്കുന്ന് അമ്മത്തൂർ വീട്ടിൽ അബ്ദുൽ റസാക്കിൽനിന്ന് കണ്ടെത്തുന്നത്. ബെംഗളൂരുവിൽനിന്ന് കോഴിക്കോട്ടേക്ക് പോകുകയായിരുന്ന കർണാടക ആർടിസിയുടെ സ്ലീപ്പർ ബസിലെ യാത്രക്കാരനായിരുന്നു അബ്ദു‌ൽ റസാക്ക്.

അസി. എക്സൈസ് ഇൻസ്പെക്ട‌ർ എം.ബി. ഹരിദാസ്, പ്രിവൻ്റീവ് ഓഫീസർ കെ.വി. പ്രകാശൻ, സിവിൽ എക്സൈസ് ഓഫീസർമാരായ വി.ബി. നിഷാദ്, എം.ടി. അമൽ തോമസ്, എം.എം. ബിനു, കെ. അജ്‌മൽ, വനിത സിവിൽ എക്സൈസ് ഓഫീസർ പി.എം. സിനി, പ്രിവൻ്റീവ് ഓഫീസർ ഡ്രൈവർ കെ.കെ. ബാലചന്ദ്രൻ എന്നിവർ പരിശോധനാസംഘത്തിലുണ്ടായിരുന്നു. പിടികൂടിയ തുക തുടർനടപടികൾക്കായി ആദായനികുതിവകുപ്പിന് കൈമാറുമെന്ന് വയനാട് ഡെപ്യൂട്ടി എക്സൈസ് കമ്മിഷണർ എ.ജെ. ഷാജി അറിയിച്ചു.