വിദ്യാർഥികളോടൊപ്പം കളക്‌ടറുടെ സൈക്കിൾ സവാരി

വടക്കാഞ്ചേരി : മച്ചാട് സ്‌കൂളിനായി വാഗ്‌ദാനം നൽകിയ സൈക്കിൾ

വിതരണവും സകൂൾ ഒളിമ്പിക്‌സ് വിജയികളുടെ അനുമോദനവും കളക്‌ടർ അർജുൻ പാണ്ഡ്യൻ ഉദ്ഘാടനം ചെയ്‌തു. മീറ്റ് ദ കളക്‌ടർ പരിപാടിയിൽ തന്നോടൊപ്പം സംവദിച്ച കുട്ടികൾക്കായി നൽകിയ വാഗ്ദാനമായിരുന്നു 10 സൈക്കിൾ.

കുട്ടികൾക്ക് സൈക്കിൾ വിതരണം ചെയ്ത്‌ കളക്‌ടർ, കുട്ടികളോടൊപ്പം സൈക്കിൾ സവാരിയും നടത്തി. പഞ്ചായത്ത് വൈസ് പ്രസിഡൻ്റ് ഇ. ഉമാലക്ഷ്‌മി, പിടിഎ പ്രസിഡന്ററ് അഡ്വ. ടി.എ. നജീബ്, വി.സി. സജീന്ദ്രൻ, കെ. രാമചന്ദ്രൻ, ടി. രാധ, ബിപിൻ പി. ജോസഫ്, ഉപജില്ലാ വിദ്യാഭ്യാസ ഓഫീസർ ഷീജ കുനിയിൽ, പ്രധാനാധ്യാപിക കെ.കെ. ഷീന, പ്രിൻസിപ്പൽ കെ.എൻ. ഉണ്ണികൃഷ്ണ‌ൻ എന്നിവർ പ്രസംഗിച്ചു.