സഞ്ചരിക്കുന്ന സൂപ്പർ സ്റ്റോറുകളിൽ ഉത്പന്നങ്ങൾ സബ്‌സിഡി വിലയിൽ- മന്ത്രി ജി. ആർ. അനിൽ

നെടുമങ്ങാട്: സപ്ലൈകോ ഔട്ട്‌ലെറ്റുകളിൽനിന്നു ലഭിക്കുന്ന സബ്‌സിഡി

വിലയിൽത്തന്നെ സഞ്ചരിക്കുന്ന സൂപ്പർസ്റ്റോറുകൾ വഴി ഉത്പന്നങ്ങൾ ലഭിക്കുമെന്ന് മന്ത്രി ജി.ആർ. അനിൽ സപ്ലൈകോ മൊബൈൽ സൂപ്പർ മാർക്കറ്റിന്റെ സംസ്ഥാനതല ഉദ്ഘാടനം നിർവഹിച്ച് സംസാരിക്കുകയായിരുന്നു അദ്ദേഹം. സംസ്ഥാനത്ത് ഭക്ഷ്യസുരക്ഷയും വിലസ്ഥിരതയും ഉറപ്പാക്കുന്ന ലക്ഷ്യത്തോടെയാണ് മൊബൈൽ സൂപ്പർമാർക്കറ്റുകൾ രൂപകല്പന ചെയ്തിരിക്കുന്നത്.

നവംബർ ഒന്നുമുതൽ സപ്ലൈകോയുടെ ഔട്ട്‌ലെറ്റുകളിൽനിന്ന് സാധനം വാങ്ങാൻ വരുന്നവർക്ക് സബ്‌സിഡി ഇതര ഉത്പന്നങ്ങളെല്ലാം പത്തുശതമാനം വിലക്കുറവിൽ ലഭിക്കും. ഉദ്ഘാടനച്ചടങ്ങിൽ കരകുളം ഗ്രാമപ്പഞ്ചായത്ത് പ്രസിഡന്റ് യു ലേഖാറാണി, ബ്ലോക്ക് പഞ്ചായത്ത് പ്രസിഡന്റ് വി. അമ്പിളി, ബ്ലോക്ക് പഞ്ചായത്ത് വൈസ് പ്രസിഡൻ്റ് വൈശാഖ് തുടങ്ങിയവർ സംസാരിച്ചു.