ഭാഷാദിനാഘോഷവും കലാമേളയും

കൂറ്റനാട് കേരള സ്റ്റേറ്റ് സർവീസ് പെൻഷനേഴ്‌സ് യൂണിയൻ തൃത്താല ബ്ലോക്ക് കമ്മിറ്റി കേരളപ്പിറവി ദിനത്തിൽ നടത്തിയ ഭാഷാദിനാഘോഷവും തൃത്താല ബ്ലോക്ക് കലാമേളയും ഡോ. മോളു വർഗീസ് ഉദ്ഘാടനം ചെയ്തു. ബ്ലോക്ക് പ്രസിഡന്റ് വി. രാമചന്ദ്രൻ അധ്യക്ഷനായി. കെഎസ്എസ്‌പിയു കലാസാംസ്കാരിക സമിതി കൺവീനർ കെ. മുരളീധരൻ, ബ്ലോക്ക് സെക്രട്ടറി എ.വി. ഹംസത്തലി, ജില്ലാകമ്മിറ്റി അംഗം എ. മൊയ്‌തീൻഷാ, സി. ദിനചന്ദ്രൻ എന്നിവർ സംസാരിച്ചു തുടർന്ന് ബ്ലോക്കിലെ വിവിധ പഞ്ചായത്തുകളിൽ നിന്നുള്ള പെൻഷൻകാരുടെ കലാപ്രകടനങ്ങൾ ഉണ്ടായി.