വ്യാപാര സ്ഥാപനങ്ങളുടെ സുരക്ഷ 'ഓപ്പറേഷൻ അഗ്നികവചം' ആരംഭിച്ചു

പയ്യന്നൂർ തളിപ്പറമ്പിലെ വ്യാപാരസ്ഥാപനങ്ങളിൽ ഉണ്ടായ തീപ്പിടിത്തത്തിന്റെ പശ്ചാത്തലത്തിൽ വ്യാപാരമേഖലകളിലെ അഗ്നിസുരക്ഷ ഉറപ്പാക്കുന്നതിനായി പയ്യന്നൂർ അഗ്നിരക്ഷാസേനയുടെ നേതൃത്വത്തിലുള 'ഓപ്പറേഷൻ അഗ്നികവചം' എന്ന പേരിലുള്ള സുരക്ഷാ പദ്ധതി തുടങ്ങി. ഇതിൻ്റെ ഭാഗമായി വ്യാപാര സ്ഥാപനങ്ങളിൽ അഗ്നിസുരക്ഷാ പരിശോധനാ ആരംഭിച്ചു.

പയ്യന്നൂർ ടൗണിലെ വ്യാപാര സ്ഥാപനങ്ങളിലെ അഗ്നിസുരക്ഷാ സംവിധാനങ്ങൾ വിലയിരുത്തുന്നതിനോടൊപ്പം വ്യാപാര സ്ഥാപനങ്ങളിലെ ഉടമകൾക്കും ജീവനക്കാർക്കും അഗ്നി സുരക്ഷാ ഉപകരണങ്ങളുടെ ഉപയോഗത്തെക്കുറിച്ചുള്ള പരിശീലനവും നൽകുക കൂടിയാണ് പദ്ധതിയുടെ പ്രധാന ലക്ഷ്യം.

ആദ്യദിവസം നാല്പതോളം വ്യാപാര സ്ഥാപനങ്ങൾ പരിശോധിച്ചു. പ്രതിമാസ പരിശോധനകളും ഭാവിയിൽ തുടരുമെന്ന് അഗ്നിരക്ഷാസേന വ്യക്തമാക്കി. പരിശോധനാ സംഘത്തെ പയ്യന്നൂർ അഗ്നിരക്ഷാ സ്റ്റേഷൻ ഓഫീസർ സി.പി. രാജേഷ് നയിച്ചു. പി. വിജയൻ, പി.കെ. അജിത്‌കുമാർ, അരുൺ കെ. നമ്പ്യാർ, എൻ.വി. ശ്രീജേഷ്, സിവിൽ ഡിഫൻസ് വൊളൻ്റിയൽ സി.കെ. സിദ്ധാർഥൻ എന്നിവർ സംഘത്തിലുണ്ടായിരുന്നു.